बर्दिया ।
लागू औषधको मुद्दामा पक्राउ परेका थुनुवा मंगलबार बिहान अस्पतालमा उपचारका लागि गएको समय फरार भए लगतै पक्राउ परेका छन् । मधुवन नगरपालिका–५ का २८ वर्षीय भरत केसी शौच जाने बहानामा अस्पतालबाट फरार भएका थिए ।
उनलाई गुलरिया–४ तुलापुरबाट पक्राउ गरिएको सूचना अधिकारी एवं प्रहरी नायब उपरीक्षक हेमबहादुर शाहीले बताए । अस्पतालबाट फरार केसीलाई पक्राउ गरी हिरासतमा राखिएको प्रनाउ शाहीले बताए ।
उनलाई सोमबार लागू औषधको मुद्दामा अदालतबाट म्याद थप गरी न्यायिक हिरासतमा राखिएको थियो । प्रहरीका अनुसार उनी लागू औषध सेवनले पिसाब थैलीमा समस्या देखिएको छ ।
