बर्दिया ।
मधुवन नगरपालिका–२ स्थित जनजागृति सामुदायिक वनमा सोमबार बेलुका मृत अवस्थामा पाटे बाघ फेला परेको छ । बाघ करिब ४ / ५ दिन अघि मरेको अनुमान डिभिजन वन कार्याल बर्दियाले गरेको छ ।
बाघको छाला कुहिएको फेला परेको सहायक वन अधिकृत द्रोण शर्माले बताए । त्यस वरिपरि निकै गन्हाएकोले खोजतलास गर्दा वनभित्र मृत अवस्थामा बाघ फेला परेको उनले बताए ।
उक्त बाघलाई शव परीक्षणका लागि गुलरिया ल्याइएको छ । बाघ प्राकृतिक कारणले बुढो भएर मरेको आशंका गरिएको छ । बाघको बासस्थान रहेको खाता जैविक मार्गमा एक वर्षयता सात जनाको ज्यान बाघले लिइसकेको छ ।
