कपिलवस्तु ।
जनता समाजवादी पार्टी नेपाल निकट समाजवादी युवा संघको शिवराज नगरपालिका स्तरीय भेला चन्द्रौटामा सम्पन्न भएको छ । भेलाले अर्शलान खानको अध्यक्षतामा ५५ सदस्यीय समाजवादी युवा संघ शिवराज गठन गरिएको जसपा नेपाल लुम्बिनी प्रदेश अध्यक्ष अशोक कुमार यादवले जानकारी दिनुभयो ।
प्रदेश अध्यक्ष यादवले समाजवादी युवा संघमा संगठित सम्पुर्ण युवाहरुलाई बधाई दिनुभयो । उहाले युवाको काधमा देशको जिम्मेवारी आएको बताउनु भयो । युवाले नै सभ्य समाज निर्माणका लागि काम गर्न सक्ने बताउनु भयो ।
युवाहरुको भेलालाई सम्बोधन गर्दै जसपा नेपाल लुम्बिनी प्रदेश सदस्य तथा शिवराज नगर इन्चार्ज रहिश शाहले युवाले चाहे नेतृत्व तहमा कार्य गर्न सक्ने बताउनु भयो ।
शाहले अहिलेको आवश्यकता भनेको युवाहरु अघि बढ्नु राम्रो पक्ष भएको जानकारी दिनुभयो । कार्यक्रम युवा नेता मेनाज खानको अध्यक्षतामा भएको थियो । इर्शाद खान, आनन्द यादव लगायतका नेताहरुको सहभागीता रहेको थियो ।
नया निर्वाचित समाजवादी युवासघंका अध्यक्ष अर्शलान खानले युवाको हकहितमा काम गर्ने बताउनु भयो । शिवराज नगर समाजवादी युवा सघंको उपाध्यक्षमा सन्दिप थारु, सुरज प्रसाद यादव, सचिव आनन्द यादव, कोषाध्यक्ष खुबेब खान लगायत रहनु भएको छ ।
