भैरहवा ।
इलाका प्रहरी कार्यालय धकधइले स्विमिङ पूलहरुमा पौडी खेल्दा प्रयोग हुने ट्यूबबरामद गरेको छ । शुक्रबार राति नियमित चेकजाँचको क्रममा इलाका प्रहरी धकधइका प्रमुख प्रहरी नायब निरिक्षक कृष्ण बेल्वासेको कमाण्डमा खटिएको टोलिले धकधइ चोकबाट करिब साढे ४ लाख मूल्य बराबरको १ सय २२ थान ट्युब र त्यसमा हावा भर्न प्रयोग हुने पम्प २९ थान बरामद गरेको छ
नेपाल भारतको सीमानाका भगवानपुरबाट पत्थरकट्टा समुदायका ब्यक्तिहरु प्रयोग गरि उक्त ट्युब अवैध तरिकाले नेपाल भित्राइएको सइ कृष्ण बेलवासेले बताए । उनले प्रहरीलाइ देखेर समान ल्याउनेहरु समान छोडेर भागेको बताए । बेलवासेका अनुसार इप्रका धकधइले यस अघि विभिन्न मितिमा गरि अवैध तरिकाले नदिजन्य पदार्थ उत्खनन् एवम ढुवानीमा प्रयोग हुने ट्रयाक्टर तथा हाइवाहरु पक्राउ गरी सम्बन्धित निकायमा बुझाएको थियो ।
इप्रका धकधइ अन्तरगत पर्ने सीमा नाकाहरुमा रातीको समयमा अवैध कारोबार एवम ओसार पोसार गर्ने ब्यक्तिहरु सक्रिय हुन खोजेको कारण प्रहरीले पनि नियमित एवम आकास्मिक गस्ती तथा चेकजाँचमा तिव्रता दिएको छ ।
