राम अवतार चौधरी, कपिलवस्तु।
कपिलवस्तु चन्द्रौटामा समाजवादी युवा संघ शिवराज नगरस्तरीय भेला गरिएको छ । बिहीबार भएको भेलाले अर्शलान खानको नेतृत्वमा ५५ सदस्यीय कमिटी गठन गरिएको जसपा युवा नेता तथा नगर इन्चार्ज रहिस शाहले जानकारी दिए ।
जसको उपाध्यक्षमा सन्दिप थारु, सुरज प्रसाद यादव, सचिव आनन्द यादव, कोषाध्यक्ष खुबेब खान लगायत चयन भएको जसपा शिवराजले जनाएको छ ।
जनता समाजवादी नेपाल लुम्बिनी प्रदेशका अध्यक्ष अशोक कुमार यादवले अब देशको जिम्मेवारी युवाको काधमा आएको बताए । नव निर्वाचित पदाधिकारीलाई सफलताको शुभकामना दिँदै युवाले नै सभ्य समाज निर्माणका लागि काम गर्न सक्ने जनाए ।
यसैबीच जसपा नेपाल लुम्बिनी प्रदेश सदस्य तथा शिवराज नगर इन्चार्ज रहिश शाहले भेलालाई सम्बोधन गर्दै युवाले चाहे नेतृत्व तहमा कार्य गर्न सक्ने बताए । पछिल्लो समय विदेश प्लायन भइरहेको युवालाई स्वादेशमै रोजगारीका अवसर सिर्जना गर्न स्थानीय निकायसँगै सबैले हातेमालो गर्न जरुरी रहेको उनले जनाए । नेता शाहले भने ूयुवाहरु अघि बढ्नु आजको आवश्यकता होू ।
त्यसैगरी युवा नेता मेनाज खान, इर्शाद खान र आनन्द यादव लगायतका नेताहरुले कार्यक्रमलाई सम्बोधन गरेका थिए ।
