शितगंगा ।
शितगंगा नगरपालिकाको आफ्नै प्रशासकीय भवनको उद्धघाटन गरिएको छ । नगर प्रमुख सुर्य प्रसाद अधिकारीले सोमबार शिलालेख वाचन गरेर नगरपालिकाको आफ्नो भवन उद्धघाटन गर्नु भएको हो । नगरपालिकाको आफ्नै भवन नहुँदा नगरपालिका हाल भाडाको घरमा सञ्चालन भइरहेको छ ।
नगरपालिकाका कार्यालयहरु बिभिन्न स्थानमा हुँदा सेवाग्राहीहरु लाई समेत काम गर्न अप्ठेरो हुने गरेकोमा सबै सेवा र शाखाहरु एकै स्थानमा आए पछि सेवाग्राहीहरु मा समेत सहज हुने नगर प्रमुख सुर्य प्रसाद अधिकारीले बताउनु भयो ।
कार्यक्रममा बोल्दै नगरप्रमुख सुर्य प्रसाद अधिकारीले कार्यपालिका बैठकबाट कार्यलयको उद्धघाटन गर्ने निर्णय भए बमोजिम कार्यलय उद्धघाटन गरिए पनि निर्णय गर्ने वडा अध्यक्षहरु नै उपस्थित नभएको प्रति असन्तिुष्टी ब्यत्त गर्नु भयो । नगर प्रमुख अधिकारीले नगरपालिकाको ५ वर्षे कार्यकालमा जनता सामु बोलेका अधिकांस काम सम्पन्न गर्न सफल भएको बताउनु भयो ।
नगरपालिकाले ३७ वटा स्वास्थ्य भवन,२४ वटा बिद्यालय,७५० कि।मी नयाँ सडक निमार्ण सम्पन्न गरेको बताउनु भयो । यस्तै १२ वटा वडा कार्यालय भवन ,१२ वडामा वडा स्तरिय स्वास्थ्य भवन , बसपार्क, बिभिन्न स्थानमा सामुदायिक भवन निमार्ण जस्ता धेरै उपलब्धी आफ्नो पालोमा भएको बताउनु भयो । देशमै पहिलो पटक उत्पादनमा आधारित अनुदान र एकल पुरुष र एकल महिला “ग” बर्गका अपांगलाइ सामाजिक सुरक्षा भत्ता उपलब्ध गराउने कार्यमा समेत सबै जनप्रतिनिधीको साथमा कार्य सञ्चालन गर्न सफल भएको बताउनु भयो ।
यस्तै नगर उप प्रमुख टिका रेस्मिले आफ्नो कार्यकालमा नगरको आफ्नै भवन निमाण अन्तिम चरणमा पुराउन सफल भएको र हाम्रो कार्यकालको प्रमुख उपलब्धी रहेकोले पनि निमार्ण बाँकी रहदै उद्धघाटन गरिएको बताउनु भयो । नगरपालिकामा प्रतिनिधीत्व गर्ने सबैदलको साझा कार्यालय भए पनि एमालेका जनप्रतिनिधीले कार्यक्रममा सहभागिता नजनाउदा नगरको कार्यलय बन्दा समेत असन्तुष्टी रहेको जस्तोभान भएको बताउनु भयो ।
५ करोड बजेट मध्ये ठेकदार कम्पनीले करिव २९ प्रतिशत छाडेर ४ करोड १४ लाख ९८ हजारमा निमार्णको जिम्मा लिएकोमा अहिले ८० प्रतिशत काम सम्पन्न भएको प्रमुख प्रशासकिय अधिकृत भबिन्द्र खनालले जानकारी दिनु भयो । २०७७ जेठ २२ मा सम्झौता भइ २०७८ जेठ २३ मा सम्पन्न गर्ने समय रहेकोले पनि ८० प्रतिशत काम सम्पन्न भएको खनालले बताउनु भयो । निर्वाचन आउन लागेको र निवार्चन अधिकृको कार्यलय सञ्चालन गर्नु पर्ने भएकोले पनि छिटो गरि भवन उद्धघाटन गर्नु परेको प्रमुख प्रशासकीय अधिकृत खनालले जानकारी दिनुभयो ।
कार्यक्रममा नेकपा मालेका जिल्ला सचिव केदार बेल्बासे , नेकपा एकिकृत समाजबादीका जिल्ला सह सचिव नारायण शर्मा, शिक्षा प्रेमी माधव पौडेल, काग्रेशका प्रतिनिधी छबिलाल पौडेल ,नगरपालिकाका प्रवत्ता दामोदर न्यौपाने , वडा अध्यक्ष हेमनाथ भुसाल लगायतले कार्यक्रममा आफ्नो धारण राख्दै नगरपालिकाले प्रमुख उपलब्धीको रुपमा नगरपालिकाको भवन निमार्ण गर्न सफलभएको बताउनु भएको थियो । नगरपालिका योजना शाखा प्रमुख नुमलाल खनालको सञ्चालन शिक्षा शाखा प्रमुख बिनोद पोख्रेलको स्वागतमा सम्पन्न कार्यक्रममा बिभिन्न वडाका वडा अध्यक्ष स्थानिय बासीहरुको उपस्थित रहेको थियो ।
कार्यक्रमको कालिका माइ मन्दिरका प्रमुख पुजारी टामलाल भट्टराइले स्वथि बाचन गनुए भएको थियो भने कलाकार खुमराज घिमिरे , शितगंगा डान्स आइडल प्रकृति गैरे ,अन्जली सुनार लगायतले आफ्नो प्रस्तुति दिएका थिए ।
यस्तै नेकपा एमालेका नगर उपाध्यक्ष संजय रानाले नगरपालिकाको भवन निमार्ण बाँकी रहँदै उद्धघाटन गर्न लाग्दा जनस्तरबाट ब्यापक बिरोध भएको भन्दै एमालेबाट निवार्चित जनप्रतिनिधीहरु सहभागि नभएको बताउनु भयो । नगरपालिकाको भवन निमार्ण नगरपालिकाको लागि गौरवको कुरा भएको तर निमार्ण सम्पन्न र हस्तान्त्रण नहुँदै उद्धघाटन हुन लागेकोले एमालेको प्रतिनिधी र जनप्रतिनिधी सहभागि नभएको रानाले बताउनु भयो ।
