राम अवतार चाैधरी
कपिलवस्तु,
बिगुल बचत तथा ऋण सहकारी संस्थाकाे १०औं वार्षिक साधारण सभा सम्पन्न भएको छ । शिवराज नगरपालिका वडा नम्बर-३, मदवामा अवस्थित सहकारीले नागरिकहरुलाई सहज रुपमा कर्जा उपलब्धसँगै सामाजिक कामहरु गरिरहेको भन्दै प्रंशसा गरिएको आयाेजकले जनाएको छ । 
लुम्बिनी प्रदेश सभा सदस्य अर्जुन कुमार केसीले साधारणसभालाई सम्बाेधन गर्दै सहकारीले समाज बदल्नमा महत्वपुर्ण भुमिका खेल्ने बताए । समाजमा छरिएर रहेका रकमलाई संकलन गरि नागरिकहरुलाई नै उपलब्ध गराउने गरेको बताए ।
दश वर्षको अवधिमा सहकारीले करोडौँको काराेबार गर्न सफल भएको बताउँदै सामाजिक कृयाकलाप गर्न उनले सुझाए । सहकारीका सदस्यहरुलाई क्षमता वृद्धि तथा आत्मनिर्भर बनाउन सीपमुलक तालिमहरु सञ्चालन गर्नुपर्नेमा जोड दिए । कोभिडका कारणले अर्थतन्त्रमा केहि समस्याहरु निम्तीएकोले बिस्तारै सहजता हुँदै जाने केसीले बताए । 
शिवराज नगरपालिका उपप्रमुख शिवकुमारी थारुले सहकारीले बचत र ऋणको मात्र काम गर्न नहुने बताईन् । कृषिमा आत्मनिर्भर बनाउनुपर्ने बताउँदै नगरले आफ्ना नागरिकहरुलाई सहज रुपमा अनुदान लगाएतका कामहरु गरिरहेको जनाइन् । सहकारीलाई व्यवस्थित रुपमा संचालन गर्नुपर्ने बताउँदै नगरको विकासमा सहकारीहरुको भुमिका महत्पूर्ण हुने जनाइन् । 
m
त्यसैगरी कार्यक्रममा वडा अध्यक्ष टेकलाल सापकोटाले वडाका सबै क्षेत्रमा सहकारीहरु स्थापना भएकोले सहकारीले नागरिकहरुलाई बचत गर्ने बानि बसाल्ने गरेको बताए । सबै क्षेत्रको विकासको लागि शिक्षा अति आवश्यक रहेकोले वडाले हरेक वर्ष शिक्षामा जोड दिएर कामहरु गरिरहेको जनाए । यसैबीच व्यापार संघ कपिलवस्तुका अध्यक्ष महादेव पोखरेलले छोटो समयमा बिगुल सहकारीले राम्रो उलपब्धि हासिल गरेको बताए । 
सहकारीले ३ करोड ८३ लाख बरावरको कारोबार गरेको व्यवस्थापक ज्ञान बहादुर जिसीले जानकारी दिए । गत वर्ष कोरोना कारणले सहकारी संचालनमा केहि असहजता भएको उनले बताए । सहकारीका अध्यक्ष नर बहादुर पौडेल, उपाध्यक्ष कोपिला न्यौपाने र बेलसिह रावत लगायतले सम्बाेधन गरेका थिए । 
