विजयनगर ।
कपिलवस्तुको विजयनगर गाउँपालिकामा चैत्र १० गते देखि सुरु भएको अध्यक्ष कप सम्पन्न भएको छ । महिला तथा पुरुष खुल्ला फुटबल भलिबल प्रतियोगिताको शनिबार समापन भएको हो ।
अध्यक्ष कप प्रतियोगिताको समापन कार्यक्रममा बोल्दै गाउँपालिकाअध्यक्ष गोपाल थापाले भव्य र सभ्य रुपमा खेल सम्पन्न गराउन सफल भएकोमा आयोजक विजयनगर युवा क्लबलाई धन्यवाद व्यक्त गर्नु भयो । विभिन्न ठाउँ बाट खेलमा सहभागि भई अनुशासित रुपमा खेल प्रदर्शन गर्ने खेलाडीहरुलाई समेत थापाले धन्यवाद दिनु भयो ।
खेल हो प्रतिस्पर्धामा हार जित भइ नै हाल्छ , आज हारे भन्दैमा खेल्न छोड्ने र जित भन्दै घमण्ड नगरेर खेललाई निरन्तता दिनु पर्ने अध्यक्ष थापाले बताउनु भयो । खेलाडी राष्ट्रका गहना भएकाले यस्ता किसिमका प्रतिस्पर्धा र प्रतियोगिताले खेलाडीलाई खेलमा अझ निखारता ल्याउन मद्दत गर्ने उहाँले बताउनु भयो । प्रतियोगितामा प्रथम द्धितिय र तृतिय स्थान प्राप्त गर्ने खेलाडीहरुलाई उहाँले बधाइ समेत व्यक्त गर्नु भयो ।
अध्यक्ष कप खेलकुद प्रतियोगितामा पुरुष फुटबल तर्फ जयबुद्ध युवा क्लब शिवराज १ काफखुट्टा प्रथम, गोल्डेन स्टार युवा क्लब शिवराज ९ बानियाभार दोस्रो, राइजिङ्ग स्टार युवा क्लब लोहोरौला तेस्रो भएका छन । महिला तर्फ विजयनगर युवा क्लब प्रथम र जयबुद्ध युवा क्लब उपविजेता भएको छ ।
भविबल प्रतियोगिता तर्फ शितगंगा युवा क्लब प्रथम,विजयनगर युवा क्लब दोस्रो र शिवराज भलिबल क्लब तेस्रो भएका छन । फुटबल पुरुष तर्फ शिल्ड मेडल प्रमाण पत्र सहित नगद प्रथम द्धितिय र तृतियलाई रु।५० हजार, ३१ हजार र १५ हजार प्राप्त गरेका छन भने महिला तर्फ रु ३० हजार र १५ हजार नगद सहित शिल्ड मेडल प्रमाण पत्र प्राप्त गरेका छन ।
भविलब तर्फ प्रथम द्धिति र तृतिय हुने टिमले नगद रु।२५हजार ,१५ हजार , ८हजार शिल्ड मेडल प्रमाण पत्र प्रदान गरिएको आयोजक विजय नगर युवा क्लबका अध्यक्ष दिपेन्द्र महराले बताउनु भयो
