गोमविक्रम, चैत्र २० पाल्पा
पाल्पा तानसेनमा रहेको युनाइटेड मिशन अस्पतालले स्वास्थ्य बिमाका बिरामी उपचार गरे वापतको १२ करोड ७ लाख ३७ हजार ५ सय ८७ वक्यौता रकम आगामी वैशाख ५ गतेसम्म भुक्तानी नभए ६ गतेबाट दिइँदै आएको सेवा कटौती गर्ने जानकारी गराइसकेको छ ।
- चैत्र १८ को पत्रकार सम्मेलनमा अस्पतालकी डाइरेक्टर डा. रचेल कारखले हालसम्मको वक्यौता रकम अविलम्ब १५ दिनभित्र भुक्तानी नभएमा अस्पतालले दिदै आएको स्वास्थ्य बिमा कार्यक्रम बन्द गर्न बाध्य भएको बताउनु भयो । सो रकम स्वास्थ्य बिमा बोर्डबाट सोधभर्ना नभएमा बिरामीबाट नगद भुक्तानी लिइने कुरा जानकारी गराउनु भएको थियो । सेवा बापत अस्पताललाई सरकारले पैसा नदिँदा कर्मचारीलाइ नियमित तलब खुवाउन, औषधी खरीद, प्रशासनिक कार्य, कर्मचारीलाई तलब खुवाउन समेत समस्या परेको अस्पतालले जनाएको छ ।
सरोकारवालाहरूसँग पटक पटक छलफलका लागि ताकेता गर्दा पनि सुनुवाई नभएपछि सेवा स्थगित गर्नु परेको कुरा
अस्पतालका प्रशासकीय अधिकृत जीवन भट्टराइले जनाउनु भएको थियो । जिल्लाकै स्वास्थ्यको धरोहरको रूपमा रहेर सेवा दिदै आएको संस्थाको कुरो हावामा उडाइनु सबैका निम्ति दु:खको कुरो हो ।
