गजल

उज्यालो आवाज

प्रकाशित मिति : सोमवार, चैत्र २१, २०७८

140 पटक पढिएको

थाहा छैन यो जिन्दगीमा के- के भएको छ ?
मबिना मर्ने मान्छे म मर्दा हाँस्ने भएको छ ।

लखेट्न खोजिरहन्छ हावाको वेगमा हावाले,,
अचेल समय मेरो लागि फिरफिरे भएको छ ।

मैले उधारोमा झुल पाउँदिन थाहा पाएपछि,,
दुश्मन पनि भेष बदलेर लामखुट्टे भएको छ ।

मण्डपबाट हाँसीहाँसी दिए हुन्छ श्रद्धाञ्जली,,
बधाई छ म मरेकै दिन तिम्रो बिहे भएको छ ।

पागल थिएन मन अतीत पल्टाएर हेर्यो भने,,
जे भएको छ केवल तिम्रै कारणले भएको छ ।

– पोखरा

प्रतिक्रिया दिनुहोस !

सम्बन्धित समाचार

हरियो सपना खोज्दै (कविता)