अर्घाखाँची ।
आधुुनिक कृषिलाइ मध्यनजर गर्दै आर्घाखाँची सिद्धाराका व्यावसायिक कृषकलाई शितगंगा नगरपालिका वडा नं ११ सिद्धाराले हाते ट्याक्टर वितरण गरेको छ ।
वडा भित्रका व्यावसायिक कृषकहरुको समुुहलइ आइतबार एक कार्यक्रमको आयोजना गरी ट्याक्टर वितरण गरेको हो । चालू आर्थिक वर्षको कृषि औजार वितरण कार्यक्रम अन्तरगत वडाभित्र कृषि प्रणालीलाई यान्त्रिक र आधुनिकीकरण गर्ने उद्देश्यका साथ ट्याक्टर वितरण गरिएको वडा अध्यक्ष कपिल आलेले जानकारी दिनुभयो ।
वडाले सार्वजनिक सूचनामार्फत वडाका सबै कृषक समूहलाई निवेदनका लागि आह्वान गरी छनोटमा परेका १० वटा कृषक समूहलाई ५० प्रतिशत अनुदानमा ट्याक्टर उपलब्ध गराएको उहाँको भनाइ छ । कार्यक्रमअन्तर्गत नगरपालिकाले चालू आर्थिक वर्षका लागि रु। ४ लाख विनियोजन गरेको थियो ।
