लुम्बिनी प्रदेश मदरसा बोर्डका उपाध्यक्ष मशहूदले यूपी मदरसा बोर्ड प्रति व्यक्त गरे हार्दिक आभार कपिलवस्तु बाणगंगामा देशकै दाेस्राे वडा स्वयंसेवक समिति गठन माथागढीको सराइमा मगर एकता दिवस मनाइदै । कृष्णनगर बाट लागु औषध चरेस सहित २ महिला पक्राउ माओबादी केन्द्र जनताको पक्षमा सधै रहने: मौलाना मशहूद ट्राफिक कार्यालय कृष्णनगरले चालु आर्थिक बर्षमा छपन्न लाखभन्दा बढी राजस्व उठाउन सफल महिला कानूनी अधिकार सम्बन्धि दुई दिने तालिम कृष्णनगरमा समपन्न कृष्णनगरमा निशुल्क स्वास्थ्य शिविरबाट हजार बढी लाभान्वित असहाय, असक्तकाे खाेजिमा प्रस्थान: स्वयंसेवकहरू सशस्त्र प्रहरी बल कृष्णनगर द्वारा लाखौं पर्ने अबैध कपडा बरामद                
समाचार :

के कारणले बढ्दै छ महिला हिंसा ?

विष्ण शर्मा ।
हाम्रो समाजमा केही दिनयता महिला हिंसाका घटनाहरुमा दिन प्रतिदिन तिव्रता आएको देखिन्छ । हुन त नेपाली समाजमा महिलामाथि हुने विभेद हिंसा नयाँ कुरा होइन । यस्ता घटनाहरु पहिले पनि नघटेका होइनन् । तर अहिले संचार क्षेत्रको विकास, महिलाहरुमा आएको चेतना राजनीतिक परिर्वतन र भूमण्डलीकरण आदि कारणले यस्ता घटनाहरु सार्वजनिक भइरहेका छन् ।

यसको कारण महिलामाथि हुने हिंसा हाम्रो नेपाली समाजको धर्म, संस्कृति र परम्पराबीचको सम्बन्ध पनि हो । कम्लरी, देवकी, छाउपडी, बहुविवाह, दाइजो प्रथा, छोराछोरीबीचको भेदभाव, कुमारी प्रथा, बोक्सीलगायत अन्य अन्धविश्वास, कुरीति र कुसंस्कारको आधार धर्म, संस्कृति र परम्परा नै हो ।

यसकारण हाम्रो समाजको परम्परागत धर्म, संस्कृति, मूल्यमान्यता, सोच र चिन्तनमा आमूल परिर्वतन नभएसम्म महिला विरुद्धमा हुने सबै खाले विभेद र हिंसाको अन्त्य हुन सक्छ कि सक्दैन भन्ने गम्भीर प्रश्न यहाँनेर खडा हुन्छ ।

यी परम्परागत कारणहरुले गर्दा महिलामाथि हुने विभेद र हिंसाका पछाडि प्रायः स्वयम् महिलाहरु नै रहने गरेका छन् । दाइजो नल्याएको अथवा छोरा नजन्माएको निउँमा बुहारीहरुलाई मानसिक यातना दिने, कुटपिट गर्ने, घर निकाला गर्ने र जलाउने सम्मका घटनाहरुमा सासूकै अहम भूमिका रहने गरेको पाइन्छ ।

महिलाहिंसा तथा मानव बेचविखन जस्ता समस्याहरु घट्नुको सट्टा झन विकराल हुँदैगइरहेको छ । अत्यधिक गरीवी र अभावले गर्दा महिलाहरु बिदेशिने व्रmम पनि बढ्दै गई रहेको छ बैदेशिक रोजगारी महिलाहरुका लागि कति असिक्षीत छन । यो विषय अहिले प्रशस्त चर्चाको बिषय भएको छ । हालैको एउटा तथ्यांक अनुुसार अहिले खाडी मुुलुुकमा मात्रै काम गर्ने नेपाली महिलाको संख्या चालिस हजार भएको अनुुसन्धान गरिएको छ । यसरी बैदेशिक रोजगारीमा जानेव्रmमसगै विविध समस्याहरु पनि बढदै गइरहेको देखिन्छ ।
कामदारको रुपमा जाने प्रतिशत महिलाहरु बिभित्र शारिरीक , मानसिक र यौन दुव्र्यवहारका समस्याहरुबाट पिडित समाचारहरुले पनि यो यसलाइ देखाइरहेको छ ।

नेपाली नागरिकका सम्पूर्ण मानवअधिकारको रक्षा र सुनिश्चितताको संवैधानिक जिम्मेवारी पाएको राष्ट्रिय मानवअधिकार आयोग, महिलाहरुको अधिकारको रक्षाका लागि स्थापित राष्ट्रिय महिला आयोग र दलित आयोग जस्ता निकायहरु कमजोर तथा र राजनीतिक हस्तक्षेपका सिकार भएका कारणले पनि मानवअधिकार उल्लंघन तथा महिला हिंसाका घटनाहरु घट्नुको सट्टा बढिरहेको छ ।

नेपालका राजनीतिक दल तथा नेताहरुमा मानवअधिकारको संस्कृतिको विकास नहुनु तथा उनीहरुमा मानवअधिकारप्रतिको प्रतिवद्धता र इच्छाशक्तिको कमी हुनाले पनि नेपालको समग्र मानवअधिकारको अवस्था नाजुक र दयनीय रहँदै आएको छ।

महिला हिंसाका घटनाहरुमा वृद्धि हुनुका पछाडि इन्टरनेट, साइवर, फेसवुकको विकास र त्यसप्रति बढ्दै गइरहेको नेपाली समाजको पहुँँँच पनि महिला हिंसा बलात्कारका लागि जिम्मेवार रहेको छ । युवा पुस्ताको लवाईमा बढ्दै गएको उच्छृङखलता, कारण पनि महिलामाथि हुने हिंसा र यौन दुव्र्यवहारबढ्दै गएको हुनसक्छ ।

नेपाली समाजमा व्याप्त जुवातास र मदिरासेवन जस्ता सामाजिक विकृतिहरु पनि महिलामाथि हुने हिंसाका लागि जिम्मेवार छन् । मिडिया रिर्पोट र समाचारका अनुसार हालै भइरहेको जघन्य खालका महिला हिंसा र बलात्कारका घटनाहरुमा बहुसंख्यक घटनाहरु औषध र मदिरा सेवनकै कारणबाट भएका छन् ।

नेपाली समाज क्रमशः हिंसात्मक बन्दै गइरहेको र नैतिकताको ह्रास हुँदै गइरहेको कारण पनि यस्ता आपराधिक घटनाहरु घट्ने गर्छन् । खुल्ला अर्थतन्त्र, पुँजीवादप्रतिको मोह र पैसा नै सबैथोक हो भन्ने सामाजिक मान्यताका कारण पनि नेपाली समाज अपराधीकरण र छाडापनतिर उन्मुख हुँदै गइरहेको छ ।

अपराधको राजनीतिकरणका कारण नेपाली समाजमा दन्डहिनता मौलाउँदै गइरहेको । माथि उल्लेखित तमाम कारणहरुले गर्दा महिला विरुद्ध हुने विभेद सबै खालका हिंसा अन्त्य गर्नका लागि यी सबै पक्षहरुलाई विचार गर्नु आवश्यक छ । नेपाली राजनीतिमा क्रमभंगता, नेपाली समाजको परम्परागत सोच, चिन्तन र संंंंस्कार, जीवन र जगतलाई हेर्ने दृष्टिकोणमा परिवर्तन र राज्यका सबै संरचनाहरुमा परिवर्तन नआएसम्म महिला हिंसाको अन्त्य हुुन सक्दैन ।

प्रतिक्रिया दिनुहोस !

सम्बन्धित समाचार

© 2024 उज्यालो आवाज All right reserved Site By : Himal Creation