काठमाडौं ।
महालेखापरीक्षक टंकमणि शर्माले ७० प्रतिशत कर्मचारीले कामै नगरी खाने गरेको बताएका छन् । संघीयताको कार्यान्वयनबारे बुधबार राजधाानीमा आयोजित एक कार्यक्रममा उनले यस्तो बताएका हुन् ।
नेपालमा ७० प्रतिशत काम नगर्ने कर्मचारीहरु रहेको अध्ययनले निस्कर्ष निकालेको भन्दै यसमा सरकार गम्भीर हुनुपर्ने बेला आएको बताए । संघीयतामा जाँदा अधिकांश स्थानमा अधिकार राजनीतिक नेताहरुले लिने गरेको शर्माको भनाई छ ।
उनले संघीयता कार्यान्वयन गर्ने सिलसिलामा अतिव्यापी नक्कल गर्ने काम पनि भइरहेको बताए । शर्माले भन, ‘सार्वजनिक प्रशासन हामीले सामान्य रुपमा पहिले सोचिरहेको भन्दा संघीयतामा अलि फरक जाँदो रहेछ । सार्वजनिक प्रशासन भन्नेबित्तिकै व्यूरोक्र्यासीले काम गर्छ, निजामति सेवा हुन्छ, सरकारी संयन्त्रहरु परिचालित हुन्छ, त्यस्तो मात्रै होइन् ।
अहिले हेर्दै जाँदा धेरैजसो अधिकार र डे टू डे एक्जुकेटिभ फङ्गशनहरु पोलिटिकल लिडरहरुले गरिरहेका छन् । वडामा, पालिकामा, अलमस्ट त्यसरी भइरहेको छ ।’
अहिलेको संघीयता कार्यान्वयन गर्ने सिलसिलामा भएका समस्याहरु एउटा डुप्लिकेशन, ओभरल्यापिङ र प्रकाशन यी तीन समस्या छ भन्दै उनले संयन्त्रमा पनि वर्किङ प्रोसिडिमा पनि, रिसर्सेसमा पनि र सबै कुरामा यी तीन कुरा देखिएको बताए ।
