जडिबुटी नेपालको सम्पत्ति हो । हाम्रा पितापुर्खाले यही जडिबुटी अर्थात आफ्नै बारी र भिरपाखाका झारपातबाट दीर्घजीवन प्राप्त गरेका थिए । तर, पछिल्लो पुस्ता यसबाट अनविज्ञ मात्र छैन । यसप्रति पुरै उपेक्षा गरेर अघि बढेको छ । तर, आफैमा सुगन्ध बोकेर सुगन्धको खोजीमा दौडिएको कस्तरीझै भएका हामी आफ्नै परम्परागत विधिमा फर्कनुको विकल्प छैन ।
किनभने हाम्रा बारीका कान्लाहरुमा उम्रने, बढ्ने र हुर्कने हरेक झारपातमा औषधिको महत्व छ । आवश्यक यति मात्र हो कि त्यसको पहिचान र प्रवर्द्धन हुन सकेको छैन । त्यस्तै तपाईकै बारीका कान्लामा रहेका केही झारपातको महत्व यहाँ उल्लेख गरिएको छ।
तुलसी स् ज्वरो, रुघा, खोकी, क्यान्सर आदि रोगमा उपयोगी हुन्छ। निम स् छाला, रगत र दाँतसम्बन्धी रोगमा फाइदाजनक मानिन्छ। बेसार स् क्यान्सर, घाउचोट, रक्त विकार आदिमा प्रयोग गर्न सकिन्छ।
अमला स् आँखा, पेट, शारीरिक कमजोरी एवं केशसम्बन्धी समस्यामा उपयोगी हुन्छ। जामुन स् मधुमेह, दाँत, मुख, घाँटी आदिको समस्यामा प्रयोग गर्दा पर्याप्त फाइदा हुन्छ। अर्जुन स् हृदय तथा हड्डी रोगमा उपयोगी हुन्छ।
अम्बा स् मुखको घाउका साथे घाँटी, दाँत एवं पेटको रोगमा लाभ लिन सकिन्छ। पत्थरचट्टा स् पत्थरी तथा पिसाबसम्बन्धी समस्यामा प्रयोग गर्न सकिन्छ। बेल स् मधुमेह, उच्च रक्तचाप, गर्मी आदि समस्यामा उपयोगी हुन्छ।
अदुवा स् दम, रुघाखोकी, जन्डिस, जोर्नीको पीडा आदिमा प्रयोग गर्नु फाइदाजनक हुन्छ। प्याज स् आँखा, कानका साथे गर्मीको समस्यामा लाभदायक मानिन्छ। घोडताप्रे स् तनाव, अनिन्द्रा एवं मस्तिष्कसम्बन्धी समस्यामा उपयोगी हुन्छ।
