कपिलवस्तु ।
कपिलवस्तुको शिवराज नगरपालिका वडा ९ मा रहेको अजम्मरी सामुदायिक बनमा डढेलो नियन्त्रण गर्नको लागि नागरिकहरूलाई अभ्यास तालिम प्रदान गरिएको छ । तेस्रो ध्रुव संरक्षण, दुर्लभ प्रजाति कोष र ध्वाँसे चितुवा संरक्षण समूहको सहयोगमा डढेलो नियन्त्रण गर्ने उपाय लगायत आगो नियन्त्रण गर्न आवश्यक सामाग्री समेत सामुदायिक बनलाई हस्तान्तरण गरिएको छ ।
उक्त सामाग्री हस्तान्तरण गर्दै डिभिजन बन कार्यालय गौतमबद्धका प्रमुख दधिलाल कँडेलले बन डढेलोलाई रोक्न स्थानीयहरू जागरूक हुनुपर्ने बताउनुभयो । नेपालमा डढेलोका कारण वर्षेनी क्षति हुने गरेको बताउँदै यसलाई नियन्त्रण गर्न सङ्घ संस्थाले अभ्यास सँगै सामाग्री प्रदान गरेकोमा धन्यवाद दिनुभयो ।
डिभिजन अन्तर्गतका विभिन्न निजी,सामुदायिक तथा साझेदारी बनहरूमा गर्मी याममा आगलागीको उच्च जोखिम रहेकोले सतर्कता अपनाउनुपर्ने बताउनुभयो । सामान्य लापरवार्हीले सिगै बन नै मासिने भएकोले कसैले लापरबाही गर्न नहुने बताउनुभयो । यो समयमा सुकेका पातहरू झर्ने भएकोले उच्च जोखिम रहने बताउनुभयो ।
बनमा डढेलो नियन्त्रण गर्नको लागि फारलाईन सफा गर्ने,पात पंतिगरहरु जम्मा गरेर जलाउने , मानिसको नियन्त्रणमा राखेर आगोले अनावश्यक वस्तु जलाउनुपर्ने कँडेलले बताउनुभयो । आगो कसरी लाग्न सक्नछ र यसलाई नियन्त्रण कसरी गर्न सकिन्छ भन्ने विषयमा जानकारी दिएका छौ,उहाँले भन्नुभयो बन रक्षक तथा स्थानीय उपभोक्ता लागि परेमा न्यूनीकरण हुने आगो कसरी लाग्न सक्नछ र यसलाई नियन्त्रण कसरी गर्न सकिन्छ भन्ने विषयमा जानकारी दिएका छौ,उहाँले भन्नुभयो बन रक्षक तथा स्थानीय उपभोक्ता लागि परेमा न्यूनीकरण हुने छ ।
अग्नि प्रतिरोधक जंम सुट,वाटर स्प्रे,हेलमेट,स्वाटर लगायत डेढ लाख बरावरको सामाग्री सामुदायिक बनलाई वितरण गरेको तेस्रो ध्रुव संरक्षणका निर्देशक गंगाराम रेग्मीले बताउनुभयो । बनमा रहेको वन्यजन्तुलाई सबै मिलेर बचाउनुपर्ने भन्दै यी सामाग्री आगो नियन्त्रणमा ल्याउन सहज हुने रेग्मीले बताउनुभयो ।
उक्त सामाग्री बुझ्दै अजम्मरी सामुदायिक बनका अध्यक्ष सुक माया विकले आगो नियन्त्रण गर्ने तालिम पाएकोमा नियन्त्रण गर्न सहज हुने बताउनुभयो । कतिपय समयमा आगो निभाउँदै गर्दा नागरिकहरुनै आगोमा पर्ने तथा जल्ने समस्या रहेकोले अग्नि प्रतिरोधक सामाग्रीहरूले सहजता आउने बताउनुभयो । अग्नि नियन्त्रण अभ्यासलाई सहायक बन अधिकृत संजय मिश्र, गणेश चौधरी र गणेश पुरीले सहजिकरण गर्नुभएको थियो ।
