राम अवतार चाैधरी
कपिलवस्तु,
कपिलवस्तुको शिवराज नगरपालिकाकाे वडा नम्बर ३ साेनवर्षीमा डिप बाेरिङ्ग सिँचाई आयाेजना सम्पन्न गरिएको छ । संघीय सरकारको ८० लाख रुपैयाँको लागतमा डिप बाेरिङ्ग सञ्चालन गरिएको जनाइएको छ । शुक्रबार एक कार्यक्रमकाबीच लुम्बिनी प्रदेश सदस्य अर्जुन कुमार केसी, नगर उप-प्रमख शिव कुमारी थारु र वडा अध्यक्ष टेकलाल सापकोटाले संयुक्त रुपमा उद्घाटन गरेका छन् । 
उद्घाटन कार्यक्रमलाई सम्बोधन गर्दै प्रदेश सदस्य अर्जुन कुमार केसीले यस सिँचाई याेजनाबाट कृषकलाई सहज हुने बताए । उनले कृषककाे खेत-खेतसम्म पानी पुग्ने भएकाेले बढी लाभ लिन सकिने बताए । कृषि खेती तथा बेमौसमी तरकारी खेती लगायत अन्न उत्पादनमा ठुलाे टेवा पुग्ने बताउँदै कृषिलाई आधुनिकीकरण गरि आत्मनिर्भर हुनुपर्नेमा जाेड दिए ।
यस्तै नगर उप-प्रमुख शिव कुमारी थारुले कृषि क्षेत्रमा नगरपालिकाले फड्काे मारेकाे बताइन् । उनले लिफ्ट सिँचाइ, डिप बाेरिङ्ग, स्यालाे ट्युवेल लगायतका सिँचाइका आयाेजना सञ्चालनमा ल्याएकाे बताइन् । अधिकांश जनता कृषि पेसामा लागेकाले कृषिलाई प्राथमिकता दिनुपर्ने उनले बताइन् ।
यसैबीच वडा अध्यक्ष टेकलाल सापकोटाले तरकारी पकेट क्षेत्र घोषणा भएकोले कृषिलाई पहिलो प्राथमिकता दिइएको बताए । उनले यस सिँचाइ याेजनाले किसानलाई अन्नबाली, तरकारी उत्पादनले आत्मनिर्भर बनाउने विश्वास व्यक्त गरे । उनले समयमै हरेक किसिमको खेतीपाती गर्न सकिने र उत्पादनमा बृद्धि हुने बताए ।
