पाल्पा – आगोले पोलेर एक जना महिलाको मृत्यु भएको छ । जिल्लाको माथागढी–३, सराई बस्ने ६२ वर्षका सुमित्रा कुमालको मृत्यु हो ।

गत फागुन ८ गते आगो ताप्ने क्रममा साडीमा आगो लागेर गम्भीर घाइते कुमालको तानसेनस्थित मिसन अस्पतालमा उपचार भइरहेको थियो ।

अस्पतालमा उपचारको क्रममा घाइते कुमालको बिहीबार मृत्यु भएको जिल्ला प्रहरी कार्यालय पाल्पाका सूचना अधिकारी प्रहरी निरीक्षक लक्ष्मण पचभैँयाले जानकारी दिनुभयो । घटनाको बारेमा थप अनुसन्धान भइरहेको उहाँले जानकारी दिनुभयो ।