अर्घाखाँची ।
नेपाली कांग्रेस संसदीय दलका सचेतक पुष्पा भुसालले कम्युनिस्ट सरकारले देशको ढुकुटी रित्याएको आरोप लगाउँदै देशमा आर्थिक सङ्कट उत्पन्न हुन थालेको बताउनुभएको छ ।
नेपाली कांग्रेस अर्घाखाँचीले वीपी स्मृति भवन सन्धिखर्कमा गरेको कार्यक्रममा पार्टीको केन्द्रीय सदस्यसमेत रहनुभएकी भुसालले कम्युनिस्ट पार्टीका नेताहरूले नागरिकलाई भन्दा आफ्नो पार्टी र कार्यकर्ता पोस्ने काम गर्ने गरेको आरोप लगाउनुभयो ।
नेतृ भुसालले लोकतान्त्रिक पद्धतिको चुनावमा जाने नेपालका कम्युनिस्टहरूले कहिले पनि परिवर्तनको नेतृत्व सम्हाल्न नसकेको बताउनुभयो । लोकतन्त्रको पर्यायवाची नेपाली कांग्रेस रहेको जिकिर गर्दै नेतृ भुसालले नागरिकले तिरेको कर भ्रष्टाचारमा लगाउन नदिन कांग्रेसले तीनै तहको नेतृत्व गर्नुपर्ने बताउनुभयो ।
देशको राजनीतिको बागडोर सम्हाल्न कांग्रेसबाहेक अरू कुनै दलले नसकेको उहाँको दाबी छ ।
