राम अवतार चाैधरी
कपिलवस्तु,
कपिलवस्तुका मृतक मनोज उपाध्यायलाई रिलायबल नेपाल लाइफ इन्स्योरेन्स लिमिटेड चन्द्रौटा शाखाले दाबी भुक्तानी गरेको छ । मृतक उपाध्यायलाई ग्लोबल आई. एम. ई. बैंकको चेकमार्फत भुक्तानी गरिएको इन्स्योरेन्स चन्द्रौटा शाखाका प्रबन्धक देवलाल सापकोटाले जानकारी दिए । 
कपिलवस्तु नगरपालिका निवासी मृतकको पत्नी प्रिति कुमारी दुलाललाई २६ गते शनिबार बीमा गरे वापत ११ लाख ५० हजार रुपैयाँ दाबी भुक्तानी गरिएको सापकोटाले बताए । कपिलवस्तुको तौलिहवामा गत पुस ८ गते मोटरसाइकल सवारी दुर्घटनामा परी २८ वर्षको उमेरमा मनोज उपाध्यायको मृत्यु भएको थियो । उपाध्यायले स्वयम मोटरसाइकलबाट हिडिरहेको अवस्थामा दुर्घटनामा परेकाे जनाइएको छ । 
रिलायबल नेपाल लाइफ इन्स्योरेन्स लिमिटेड परिवारले मृतकको यस दुखद घडीमा श्रद्धाञ्जली सभासमेत गरेको छ । लुम्बिनी कलस्टर प्रमुख इश्वरी प्रसाद पाण्डे, मार्केटिङ म्यानेजर बुटवल शाखाका गणेश पाण्डे, मार्केटिङ चन्द्रौटा र अभिकर्ताहरुले मृतकको भावपूर्ण श्रद्धाञ्जली अर्पण गर्दै परिवारजनमा समवेदना समेत व्यक्त गरेका थिए ।
