काठमाडौँ। जापान सरकारले नेपाललाई २ अर्ब ६१ करोड रुपैयाँ बराबर अनुदान सहायता उपलब्ध गराएको छ ।विराटनगर खानेपानी सुधार आयोजनाका लागि जापानले यो सहायता रकम उपलब्ध गराएको अर्थ मन्त्रालयले जनाएको छ ।
उक्त अनुदान सम्झौतासम्बन्धी पत्रमा बिहीबार अर्थ सचिव मधुकुमार मसासिनी र नेपालका लागि जापानी राजदूत किकुता युटाकाले हस्ताक्षर गरेका हुन् । यो अनुदान रकम विराटनगरबासीलाई स्वच्छ खानेपानी उपलब्ध गराइने लक्ष्य सरकारले राखेको छ । हाल विराटनगरबासी दैनिक घरायसी उपयोगका लागि आवश्यक पानीका लागि इनारमा भर पर्नुपरेको छ । विराटनगरबासीका लागि सहज रुपमा स्वच्छ खानेपानी पुर्याउने आयोजनाका लागि यो रकम प्रयोग गरिने छ ।
